Kryeministri Edi Rama reagoi sërish këtë të mërkurë për takimin e radhës elektoral të kreut të opozitës Lulzim Basha, këtë herë në Korçë. I ashpër në reagimin e tij, Kryeministri  thotë se këmbëngulja në gabim është djallëzore.

“Të gabosh është njerëzore, të këmbëngulësh në gabim është djallëzore”, thoshin latinët. Kjo këmbëngulje prej shejtanbudallai në fajin e kërcënimit të shëndetit të njerëzve për interesin mizerabël të një fushate edhe më mizerabël, me makina, bori, zhurmë e turmë, duke bërë përshesh në çdo shesh, është një djallëzi prej njerëzish pa vizion, pa karakter, pa përgjegjësi e as fije njerzillëku?“.

Teksa sërish postoi fotografi nga vaksinimi në Tiranë dhe një foto nga tubimi i Bashës në Korçë, Kryeministri kishte edhe një lutje…

*Sot në Tiranë, ku vazhdon vaksinimi masiv e në Korçë, ku u krye një tjetër faj i shëmtuar infektimi masiv? (Lus Zotin që për dy a tre javë që i duhen virusit të kapë rrugët e frymëmarrjes, këta njerëz të verbër e të keqpërdorur, të mos përfundojnë spitaleve për mullaqet e Lulëzimit e për mustaqet e Saliut?)“.